የእነ አቶ ጃዋር የክስ ሂደት
ረቡዕ፣ ታኅሣሥ 6 2014
ማስታወቂያ
የእነ አቶ ጃዋር የክስ ሂደት ምስክር የመስማት ሂደት እና ተቃውሞው
በእነ አቶ ጃዋር መሃመድ የክስ መዝገብ የተጠቀሱ የኦሮሞ ፌዴራላዊ ኮንግሬስ (ኦፌኮ) አመራሮች በሌሉበት ምስክሮችን የማድመጥ ሂደት እንዳይጀመር በጠበቆቻቸው የቀረበውን ጥያቄ ጠቅላይ አቃቤ ህግ በመቃወም መልስ ሰጠ፡፡
ዛሬ በአዲስ አበባ ፌዴራል ጠቅላይ ፍርድ ቤት ይግባኝ ሰሚ ችሎት በተሰየመው ችሎት መልሱን ያቀረበው አቃቤ ህግ ተከሳሾቹ በተከሰሱበት ክስ ላይ ለመከራከር በአካል ፍርድ ቤት የመገኘት መብታቸውን በራሳቸው ፍላጎት በመተዋቸው ከፍተኛ ፍርድ ቤት ክሱን በሌሉበት ለማየት የወሰነው ውሳኔ ህጋዊ ነው ብሏል፡፡
የተከሳሾች ጠበቆች የከፍተኛ ፍርድ ቤት እነ አቶ ጃዋር በሌሉበት በግልጽ ችሎት የምስክሮች አሰማም ሂደቱ እንዲጀምር የሰጠውን ውሳኔ በመቃወም ለፌዴራል ጠቅላይ ፍርድ ቤት ይግባኝ በማለት ይሁኝታ አግኝተው ነበር፡፡
ስዩም ጌቱ
ታምራት ዲንሳ
አዜብ ታደሰ