1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Kasuwancin China da Amirka na dagulewa

Yusuf Bala Nayaya
April 6, 2018

Kasar China ta yi gargadi a wannan rana ta Juma'a cewa a shirye take ta mayar da martani ga duk wani mataki da Amirka ta dauka a kanta kan batun kasuwanci da ke tsakanin kasashen biyu.

https://p.dw.com/p/2vdT2
Symbolbild zur drohenden Zuspitzung des Handelskrieg s zwischen den Vereinigten Staaten von Amerika
Hoto: imago/R. Peters

Wannan dai na zuwa ne bayan da Shugaba Donald Trump ya yi barazana ta kara yawan haraji da ya kai dala miliyan dubu 100 a kayayyakin kasar ta China.

Mai magana da yawun ma'aikatar harkokin kasuwanci a China Gao Feng ya bayyana cewa matakin da Amirka ke dauka babban kuskure ne da ke nuna babakeren kasar ta Amirka kuma bisa ga dukkan alamu ba za a samu maslaha tsakanin manyan kasashen biyu masu karfin tattalin arziki nan kusa ba.

Gao ya ce muddin Amirkar ta kara wa China harajin da ya kai dala miliyan dubu to ita ma ba za ta ji kunya ba wajen mayar da martani makamancin hakan kan kayan Amirka.