Sojin Nijar sun kashe 'yan ta'adda fiye da 100

Ma'aikatar harkokin tsaron Jamhuriyar ta Nijar, ta ce baya ga kisan 'yan bindigar, mayakan sun kwace wata naurar hada bama-bamai.

Hukumomin sun ce babu asarar rai daga bangaren sojin kasar da ma na Faransar, tare da yaba nasarar da suka samu ta hanyar hada karfin.

Dama dai an karfafa tsaro a yankin na Tillaberi, tare da dakatar da amfini da babura, bayan hare-haren watan Disambar bara, da suka yi sanadiyyar mutuwar sojin kasar 174.

Akwai ma dokar ta-baci da ke ci a yankin yau shekaru biyu ke nan.

Kasar Faransa ta yi alkawarin kara yawan dakarunta a bana, a tsakanin wasu kasashen yammacin Afirka da ke fama da fitintinu, da kimanin 600 kan wasu dubu 4,500 da dama ke baje a kasashen.