Иран – резолуција ОН

Германија и Кина се залагаат за итно донесување резолуција во Советот за безбедност на ОН околу атомската програма на Иран. Ова го соопшти портпаролот на германската влада по телефонскиот разговор на канцеларката Ангела меркел со кинескиот премиер Вен Ѓијабао. Предлог резолуцијата што ја изготвија петте членки на Советот на безбедност со право на вето и Германија предвидува поострување на санкциите против Иран.

Во телефонскиот разговор двајцата премиери се договориле посетата на канцеларката Меркел на Кина да се рализира уште во текот на оваа година.