Почит за Џими Картер

Лидерите ширум светот изразија тага поради смртта на поранешниот американски претседател Џими Картер. Американскиот претседател Џо Бајден и неговиот наследник Доналд Трамп го пофалија Картер како човек кој им го подобри животот на многумина. Со сочувство и морална јасност, тој водеше кампања за искоренување на болестите, се залагаше за мир, промовираше граѓански и човекови права, слободни и фер избори, помош за бездомниците и најсиромашните, рече Бајден.

Според неговата фондација, Картер починал во неделата на 100-годишна возраст во Плејнс, Џорџија, опкружен со своето семејство. Јавни погребни церемонии се планирани во Атланта и главниот град на САД, Вашингтон. Емпајер стејт билдинг во Њујорк беше осветлена во црвена, бела и сина боја во чест на Картер.