Скопје под снег

Почист воздух и огромни радости, особено за децата - снегот кој во текот на викендот го покри Скопје и остатокот од Македонија донесе и насмевки и проблеми, како прекини на сообраќајот на одредени патни правци и забрани за сообраќај за тешки товарни возила.

Највисока снежна покривка вчера беше измерена на Попова Шапка - 64 сантиметри снег, Маврови Анови - 50 сантиметри, Штип - 30 сантиметри, Тетово - 26 сантиметри и Крушево - 24 сантиметри. За следните денови се најавува стабилно и студено време, со ниски утрински температури кои наместа ќе се спуштат под -10 степени.