„Уништувачка зимска бура“ ги погоди САД
6 јануари 2025
Големи делови од САД, од сојузните држави Канзас до Њу Џерси, се погодени од голема зимска бура која донесе снег, мраз, ветер и арктички температури.
Повеќе од десетина држави, во кои живеат околу 60 милиони луѓе, беа предупредени за силното невреме, беа советувани или набљудувани ноќта од недела кон понеделник.
Гувернерите на неколку држави, вклучувајќи ги Канзас, Кентаки, Арканзас, Западна Вирџинија и Вирџинија, прогласија вонредна состојба.
„Подрачјата помеѓу централниот дел на Канзас и Индијана, особено долж и северно од Автопатот 70, веројатно ќе доживеат обилни снежни врнежи, со големи шанси (60-90%) од најмалку 20 сантиметри снег“, што претставуваат „најсилни снежни врнежи во последната деценија“, објави Националната метеоролошка служба (НВС) на платформата X, предупредувајќи притоа од „уништувачка зимска бура“.
Снежните услови донесоа налети на ветар со брзина до 72,42 километри на час во Канзас и во Мисури, додека НВС издаде предупредување за бура во Њу Џерси за во понеделник и во вторник.
Гувернерот на Кентаки, Енди Бешеар, ги повика жителите „ве молиме да останете дома“ откако се пријавени повеќе сообраќајни несреќи.
Во Вирџинија, полицијата извести за најмалку 135 сообраќајни несреќи додека невремето започнуваше во оваа сојузна држава во неделата. Пријавени се неколку повредени, но нема жртви.
Полицијата во Мисури соопшти дека помогнала на речиси 600 заглавени возачи и 285 несреќи.
Веб-страницата за следење на воздушниот сообраќај ФлајтАвеар покажа речиси 2.200 откажувања на летови и над 25.000 доцнења.
Додека бурата е на пат да се упати кон морето, ледените температури се очекува да се задржат до вторник. Многу училишта одлучија да останат затворени во понеделник, вклучително и јавните училишта во Индијанаполис, Синсинати, Вашингтон и во Филаделфија.
Во Вашингтон, кој се наоѓа на траекторијата на бурата, се очекуваат тешки временски услови во понеделник токму кога новиот Конгрес треба да се состане за официјално да ја потврди изборната победа на Доналд Трамп.