د ليسبوس په موریا کمپ کې اور لګیدنه

د اور لګیدنې پیښه د کمپ د اوسیدونکو ترمنځ تر اخ و ډب وروسته رامنځته شوه.

اور لګیدنې د موریا کمپ تر ۶۰ سلنه ډیره برخه له منځه وړې ده.

تقریباً ۳۰۰۰ تنه د کمپ پريښودو ته اړ شوي دي. خو دا کډوال نه د اوسیدو ځای لري او نه هم د یونان نورو برخو ته د تلو اجازه.

د پیښې په تړاو ډير کسان نیول شوي چې د افغانستان، کامرون، سینیګال او سوریې هیوادونو سره تړاو درلودونکي پکښې شامل دي.

په دې کمپ کې ډير شمیر ماشومانو هم ژوند کاو.

دا کمپ چې د نړۍ یو له خرابو کمپونو څخه بلل کیږي، مهاجرو پکښې تر سختو شرائطو لاندې ژوند کاو.

پلان شوې وه چې ډیر شمیر دغه کډوال د اروپايي ټولنې او ترکیې تر منځ د یوه تړون له مخې دغه هیواد ته واستول شي.