د نړۍ هغه لس هیوادونه چې زیاته پنبه تولیدوي

لویدیځ افریقایي هیواد بورکینا فاسو، د ۲۸۳ زره میتریک ټنه پنبې په تولیدولو سره په نړۍ کې لسم ځای لري.

ترکمنستان په دغه نوملړ کې نهم ځای لري. په ۲۰۱۶ او ۲۰۱۷م کلونو کې دغه هیواد ۲۸۸ زره میتریک ټنه پنبه تولیده کړې وه.

ترکیه بیا په ۶۹۷ زره میتریک ټنه حاصلاتو سره د پنبې تولیدونکو هیوادونو په نوملړ کې اتم ځای لري.

ازبکستان بیا د ۸۱۱ زره میتریک ټنه پنبې په تولیدولو سره اووم مقام لري.

د ۲۰۱۶ او ۲۰۱۷م کال د حاصلاتو په موسم کې آسترالیا ۹۱۴ زره میتریک ټنه پنبه تولید کړه او په نړۍ کي یې شپږم مقام تر لاسه کړ.

په برازیل کې۱۵۲۴ زره میتریک ټنه پنبه تولید شوې او د پنبې د حاصلاتو له کبله یې په نړۍ کې پنځم ځای خپل کړ.

پنبه د پاکستان په مهم زراعتي فصلونو کې شمیرل کیږي او دغه سویلي آسیايي هیواد په نړۍ کې څلورم ستر هیواد دی چې زیاته پنبه تولیدوي. په ۲۰۱۶ او ۲۰۱۷م کلونو کې دغه هیواد ۱۶۷۶ زره میتریک ټنه پنبه تولید کړې.

دریم مقام بیا امریکا متحدو ایالاتو خپل کړی دی چې په تیر موسم کې یې ۳۷۳۸ زره میتریک ټنه پنبه تولید کړي چې د پاکستان په پرتله دوه ځلې ډیره ده.

کابو د پنځه زره میتریک ټنه پنبې په تولیدولو سره چین په دغه نوملړ کې دوهم ستر هیواد دی.

په نړۍ کې تر ټولو زیاته پنبه په هند کې کرل کیږي. د فصل په تیر موسم کې هند ۵۸۸۰ زره میتریک ټنه پنبه تولید کړې ده.