شهزاده چارلز د سولي او بشري حقونو له پاره مبارزه وستایله
۱۴۰۰ دی ۱۱, شنبه
د بریتانیا شهزاده ۷۳ کلن چارلز د هغه پیغام له مخي چي د هغه استوګنځای کلارنس هاوس د شنبې په ورځ خپور کړ، وویل: « په داسي هیوادونو لکه افغانستان، سوریه، میانمار، او داسي نورو کي د سیاسي او مذهبي تعقیب او ځوروني خطر او حقیقت او همدارنگه ناامني د مخ په زیاتیدونکي خراب بشري وضعیت سره تړاو لري.»
د هغه په خبره «دغه ډول ناخوالو ته په کتو سره، ډیر باجرأته انفرادي کسان، سیمه اییز بڼسټونه او نړیوال سازمانونه د عکس العمل په ښودلو سره د حیاتي مرستو د چمتو کولو له لاري سختو اړتیاوو ته جواب وایي.»
د انگلستان د ملکې ۹۵ کلني دوهمې الیزابت مشر زوی ټینگار وکړ چي هغه په سوله اییز ډول د ټولو شخړو د له منځه وړلو او هغه زړورتیا له پاره دعا کوي چي په نړیواله سطحه له اړو او کمزورو انسانانو څخه ملاتړ کوي.
چارلز د بریتانیا د سره صلیب او د ژغورنې نړیوالې کمیټې په ګډون د یو شمیر مرستندویه سازمانونو سرپرست دی.
GP/NS/AG