انځورونه: په لندن کې د «ټېټ مودرن» موزيم

په کال کې د پنځه ميليونو نندارچيانو په جذبولو سره د «ټېټ موزيم» په لندن کې ډېر محبوبيت لري. د ۳۳۰ ميليونو يورو په لګښت دغه موزيم يو ځل بيا ترميم او راتلونکي ته چمتو شو.

د «سويچ هاوس» په نوم ودانۍ نوې جوړه شوه. په دغې ودانۍ سره د نندارتون ساحه دوه په درې لويه شوه.

د «ټېټ مودرن» د اصلي ساختمان په څېر نوې ودانۍ هم د سويسي «هېرڅوګ او دې ميورون» د مهندسانو د دفتر له خوا جوړه شوه. دغه نقشه د کانکرېټ، لرګي او خښتو په مرسته د پروژې د آلماني مشر، اسکان مېرګنتالر له خوا په عمل کې پلې شوه.

د ټېټ مودرن په موزيم کې ۳۳۶ زره خښتې وکارول شوې. د شخو دېوالونو پر ځای مهندسانو د خښتو داسې یوه نقشه جوړه کړې وه چې رڼا هم ورپرېږدي.

... کېدای شي د توربين هال په نوم تالار کې يو د بل د پاسه ودرول شي. اوسمهال هلته د چينايي هنرمند، آي وای وای، اووه متره جګه ونه ولاړه ده.

نندارچيان شيانو ته نه ورځي، بلکې شيان و نندارچيانو ته راځي. د تمثيل په تالار کې نندارچيان خپله د هنري اثارو يوه برخه ګرځي.

د ۲۰۱۶ کال د پيل راهيسې په لومړي ځل يوه ښځه، يعنې فرانسس موريس، د «ټېټ مودرن» موزيم مشره ده. هغه غواړي چې د ښځينه هنرمندانو اثار نندارې وړاندې کړي، لکه د لويس بورژوا دغه مجسمه.

د دې له پاره چې د کلتور مينه وال سره راټول شي، په سپتمبر کې د «ټېټ اکسچېنج» پروګرام تر سره کيږي چې په ترڅ کې يې هندرمندان يو کلتوري پروګرام په پښو دروي.