Akte dhune në demostratat kundër vizitës së Bushit në Itali

Romë:Dje demonstratat kundër vizitës së presidentit Bush në Itali u shoqëruan me akte dhune. Mijëra demonstrues dolën në Romë për të protestuar kundër globalizimit dhe presidentit amerikan. Demonstruesit mbushën rrugët e Romës, ndërsa presidenti Bush takohej me Papa Benediktin në Vatikan.Protestuesit zhvilluan një demonstratë në përgjithësi paqësore.Një moment tensioni erdhi kur pjesëmarrësit në demonstratë hynë në Sheshin Venecia në qendër të Romës dhe u përballën me policinë e armatosur . Në fund, shpërtheu dhuna kur një grup demonstruesish vunë maska duke mos përfillur një urdhër të policisë dhe hidhnin shishe dhe objekte të tjera në drejtim të policisë, e cila u përgjigj me gaz lotsjellës.Shumë njerëz u plagosën.