Banka zviceriane UBS me humbje rekord

Banka zviceriane UBS sipas informacioneve të "Financial Times" ka amortizuar me rreth dy miliardë euro fondin e saj të investimeve. Kjo do të thotë një humbje prej të paktën 360 milionë eurosh në tremujorin e tretë. Gazeta "Wall Street Journal "jep të njëjtat shifra. Nëse informacionet i përgjigjen së vërtetës humbjet e bankës zviceriane do të ishin më të lartat nga të gjitha ato të instituteve të tjera të kredisë për shkak të tronditjeve të fundit në tregun e kapitalit.