1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Në fokus
SiriaUkrainaGjermani - Zgjedhjet e Parakohshme 2025
Videot e fundit
Live TV

Dramë refugjatësh në Lampeduza

7 Prill 2011

Para ishullit mesdhetar italian Lampeduza ka gjasa që të kenë humbur jetën deri në 150 vetë.

https://p.dw.com/p/10pGh
Rreth 200 refugjatët kishin provuar që me varkën e tyre të arrijnë në njërin prej vendeve të Bashkimit EvropianFotografi: picture alliance/dpa

Rreth 200 njerëz në bordin e një anije peshkimi ishin përpjekur nga Libia të arrinin në vendet e Bashkimit Evripian kur anija e tyre është përmbytur në det. Deri tani për fat të keq mundën të shpëtohen vetëm 50 vetë. Moti me stuhi ka vështirësuar përpjekjet për shpëtimin e të mbijetuarve të tjerë.

Sipas informacioneve të rojeve bregdetare italiane viktimat mbahen si afrikanë nga Eritrea dhe Somalia, të cilët ishin larguar para luftimeve në Libi. Komisioni i BE-së në Bruksel këmbëngul që vendet anëtare të BE-së të marrin kontingjentin e refugjatëve nga Afrika e Veriut.

Javëve të fundit vetëm nga Tunizia kishin mbërritur në Maltë dhe Lampeduzë 20.000 njerëz. Gjermania dhe Austria kundërshtuan planet e BE-së dhe e argumentuan këtë me faktin se shumica e refugjatëve vijnë për arsye ekonomike dhe nuk kanë nevojë për mbrojtje. Megjithatë vendet të tjera si Suedia u deklaruan të gatshme për të marrë disa qindra azilkërkues.

Autor: DW/ Mimoza- Cika Kelmendi

Redaktoi: Aida Cama