Dështimi i SHBA në Irak - rrezik për të gjitha vendet e NATO-s

Nga një dështim i SHBA-ve në Irak, sipas vlerësimeve të ministrit amerikan të mbrojtjes, Robert Gejts rritet rreziku i sulmeve terroriste për të gjitha vendet anëtare të NATO-s. Sekretari Gejts, në fjalën e tij në konferencën e sigurisë në Mynih, i bëri gjithashtu thirrje NATO-s të shtojë shpenzimet në fushën e mbrojtjes dhe të angazhojë më shumë trupa në Afganistan.

Lidhur me deklaratat e presidentit Putin ndaj SHBA-ve, Gejts tha se Shtetet e Bashkuara dhe Rusia duhet të punojnë së bashku për zgjidhjen e problemeve. Ai shtoi gjithashtu se e kishte pranuar tashmë ftesën e Putinit për të vizituar kryeqytetin rus.