Italia për zgjidhje të qëndrueshme të statusit të Kosovës

Përfaqësues të shteteve anëtare të Grupit të Kontaktit, po mbështesin pa rezervë takimin e Vjenës që pritet të mbahet më datën 20 dhe 21 Shkurt në mes palës shqiptare dhe asaj serbe ku do të diskutohet ështja e decentralizimit. Për të shprehur këtë mbështje dhe angazhimin për një zgjidhje të qëndrushme të statusit final të Kosovës, në Prishtinë qëndoi, Drejtori Politik në Ministrinë e Punëve të Jashtme të Italisë, Giulio Terzi, i cili zhvilloi biseda me anëtarët e Grupit Negociator të Kosovës. Duke përcjellur mesazhin e shefit të Diplomacisë italiane, zoti Terzi, tha se, Italia angazhohet për një zgjidhje të qëndrueshme, të statusit të Kosovës.

Ne në Romë mëndojmë se është jahstazakonisht e rëndësishme që të dy palët shqiptarët dhe serbët të negociojnë seriozisht dhe në mënyrë të vazhdueshme dhe e gjithë kjo që të gjenden zgjidhje të pranueshme për shumë cështje, tha Julio Terzi. Presidenti, Fatmir Sejdiu, i cili që nga mandatimi i tij president i Kosovës, vazhdimisht po pret delegacione të shteteve evropiane, tha se, tashmë në radhët e komunitetit ndërkombëtare gradualisht po unifikohet një qëndrim për pavarësinë e Kosovës.

Autoritet në Prishtinë, ndërkaq, gjatë gjith javës po bëjnë përgatitjet e fundit për takimin e Vjenës. Grupi Negociator i Kosovës miratoi dokumentin për decentralizimin me të cilin pala shqiptare do të paraqitet në takimin e Vjenës, ndërsa, miratoi edhe përbërjen e delegacionit 7 anëtarësh. Delegacioni kosovar do të ketë dy bashkëkryesues, ministrin e pushtetit lokal, Lutfi Haziri dhe sekretarin e përgjithshëm të PDK-së, në opozitë, Jakup Krasniqi.