Paratë e lira mund të dalin më shtrenjtë
3 Korrik 2014Në tregjet e kapitalit gjendja e humorit është e shndritshme. Megjithatë jo vetëm për shkak se bizneset e sipërmarrjeve janë duke shkuar mirë, por kryesisht për shkak se bankat qendrore në mbarë botën po i mbajë normat e interesit në nivel të ulët rekord dhe hedhin me forcë në treg të holla të reja. Këto duhet të investohen diku - ndërkohë që kursimi i parave në fund të fundit nuk ia vlen. Megjithatë, kjo përmban në vetvete edhe rreziqe.
Problemi i parave të lira
Ministri gjerman i Financave është i shqetësuar. Politika monetare e Bankës Qendrore Evropiane po bën që në tregjet financiare të ketë në qarkullim shumë para, thotë Wolfgang Schäuble. Këto para të shumta duhet të përfshihet në ciklin ekonomik.
Por për një gjë janë të gjithë dakord: Problemet ekonomike të zonës së euros nuk mund t'i zgjidhë Banka Qendrore me paratë e saj të lira. Edhe në qoftë se qetësia në tregjet financiare i duket se kjo mund të bëhet në këtë mënyrë
Presioni për reforma mund të bierë
Kjo lloj politike përmban në vetvete rrezikun që presioni për reforma të bierë. Pastaj qeveritë e eurozonës mund të mbeten prapa me përpjekjet e tyre për të konsoliduar buxhetet e tyre dhe për të ulur malet gjigante të borxheve.
Ndoshta që tani një shembull për këtë është se Italia dhe Franca po kërkojnë më shumë fleksibilitet për shlyerjen e deficitit të shteteve të tyre. Po kjo nuk duket se është ajo që synon Banka Qendrore Evropiane.