Qeveria gjermane përkujton rezistencën ndaj sundimit nazist

Vetëm pak orë pas atentatit të dështuar ndaj Hitlerit oficeri Claus Schenk Graf von Stauffenberg dhe bashkëpunëtorët e tij u ekzekutuan më 20 korrik 1944 në lagjen Bendlerblock, aty ku sot gjendet Ministria Gjermane e Mbrojtjes. Pikërisht në këtë vend u grumbulluan për të përkujtuar me kurora luftëtarët e rezistencës të afërm të atentatorëve, politikanë dhe ushtarë.

Dieter Thomas, i fondacionit '20 korriku 1944' tha: 'Sot para 63 vjetësh u ekzekutuan këtu pesë oficerë gjermanë që u përpoqën ta shpëtonin Gjermaninë prej Hitlerit. Ata ishin viktimat e para të urrejtjes së tij. Emrat e tyre ne i përkujtojmë përmes kësaj pllakate përkujtimore në rrugën Stauffenberg.'

Sot rruga nga Bendlerblock drei tek Ministria e Mbrojtjes mban emrin e Claus Schenk Graf von Stauffenbergut dhe 20 korriku konsiderohet si datë e shënuar në historinë gjermane. Për këtë shkak kjo datë është përzgjedhur edhe si një nga ditët kur rekrutët e rinj të ushtrisë gjermane Bundeswehr bëjnë betimin ushtarak. Në vazhdën e kësaj tradite edhe në 20 korrikun e këtij viti në sheshin e paradave në Bendlerblock bënë betimin e tyre 450 rekrutë të rinj.