1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
Siasa

Biden atetea rekodi ya sera yake ya kigeni licha ya mizozo

Babu Abdalla
14 Januari 2025

Rais anayeondoka madarakani Joe Biden ametetea rekodi yake ya sera za kigeni licha ya mizozo ya kimataifa inayoendelea.

https://p.dw.com/p/4p8I0
Wizara ya Mambo ya Nje ya Marekani | Washington | Hotuba ya Biden
Rais wa Marekani Joe Biden akizungumza katika Wizara ya Mambo ya Nje ya Washington, DC, Januari 13, 2025, alipokuwa akitoa hotuba yake ya mwisho ya sera ya mambo ya nje.Picha: Roberto Schmidt/AFP

Biden amesema kuwa maadui wa Marekani ni dhaifu zaidi kuliko walivyokuwa wakati alipoingia madarakani miaka minne iliyopita.

Wiki moja kabla ya kumkabidhi madaraka Rais mteule Donald Trump, Biden amewahutubia wanadiplomasia wa Marekani na kusifu msaada wa utawala wake kwa Ukraine na Israel.

Kiongozi huyo ameendelea kueleza kwamba Marekani inashinda kile alichokiita "mashindano ya ulimwengu" na kuwa haitashindwa na China kiuchumi kama ilivyotabiriwa.

Amesema pia Urusi na Iran zimekuwa dhaifu kwa sababu ya vita bila kuhusika moja kwa moja kwa mkono wa Marekani.

Hata hivyo, utawala wake umekosolewa kwa kuipa Israel msaada wa silaha tangu kuzuka kwa mzozo kati ya Israel na Hamas mnamo Oktoba 7, mwaka 2023.