1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaMashariki ya Kati

Biden na Netanyahu wajadili jusitishaji mapigano Gaza

Suleman Mwiru
13 Januari 2025

Waziri Mkuu wa Israel Benjamin Netanyahu na Rais wa Marekani Joe Biden wamezungumza kuhusu juhudi za kufikiwa makubaliano ya kusitisha mapigano na kuwaachilia mateka katika vita vya Israel na Hamas.

https://p.dw.com/p/4p6WW
Marekani | Israel | Rais Joe Biden na Waziri Mkuu Benjamin Netanyahu
Waziri Mkuu wa Israel Benjamin Netanyahu na Rais wa Marekani Joe Biden Picha: Evelyn Hockstein/File Photo/REUTERS

Juhudi hizo zinafanyika zikiwa zimebaki siku chache kabla ya rais mteule wa Marekani Donald Trump hajaingia madarakani wiki ijayo.

Wapatanishi Marekani, Qatar na Misri wamekuwa kwenye mazungumzo juu ya kusitishwa mapigano tangu mwaka uliopita bila mafanikio lakini mara hii maafisa wa Marekani wamesema wanayo matumaini ya kufikiwa makubaliano.

Soma pia:Mwili wa mateka wa Israel watambuliwa

Mkuu wa shirika la ujasusi la Israel (Mossad) David Barnea na mshauri mkuu wa Rais Biden kuhusu masuala ya mashariki ya kati Brett Mc Gurk, wako mjini Doha, Qatar kwa mazungumzo.

Hivi karibuni Waziri wa Mambo ya Nje wa Marekani Antony Blinken, alisema anatumai kwamba makubaliano hayo yatafikiwa kabla ya kukabidhi ofisi kwa utawala mpya chini ya Trump.