1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaUjerumani

Elon Musk amtusi Rais wa Ujerumani Frank-Walter Steinmeier

1 Januari 2025

Bilionea Elon Musk ameandika ujumbe kwenye mtandao wake wa kijamii wa X akimshambulia Rais wa Ujerumani Frank-Walter Steinmeier. Musk amemuita Steinmeier kuwa mbabe anayepinga demokrasia.

https://p.dw.com/p/4oiqE
Rais wa Ujerumani Frank-Walter Steinmeier
Steinmeier alikuwa amezungumza dhidi ya ushawishi wa nje katika hotuba yake ya kuvunjwa kwa BundestagPicha: Soeren Stache/dpa/picture alliance

Matamshi ya Musk yalimlenga Steinmeier akizungumza dhidi ya ushawishi wa nje katika hotuba yake kuhusu kuvunjwa kwa bunge la Ujerumani - Bundestag. Ujumbe wake kwenye X ulikuwa jibu kwa ukosoaji wa Steinmeier, ambaye ni mkuu wa nchi, uliofanywa na mshawishi wa mitandaoni Naomi Seibt anayegemea chama cha mrengo mkali cha Mdadala kwa Ujerumani - AfD.

Musk amemuita Steinmeier kuwa mbabe anayepinga demokrasia. Ofisi ya Steinmeier imesema kuwa imeuona ujumbe huo lakini haitatoa kauli yoyote.

Baada ya kuvunjika kwa serikali ya muungano ya Ujerumani ya pande tatu mwezi Novemba, Musk alimuita Kansela Olaf Scholz kuwa mpumbavu kwa Kijerumani.

Katika ujumbe wa awali, Musk alitabiri kuwa Scholz atashindwa kwenye uchaguzi ujao wa Ujerumani Februari mwakani. Akaunti ya Musk ya X, mtandao anaoumiliki, ina zaidi ya wafuasi milioni 200. Naibu Kansela wa Ujerumani Robert Habeck pia alimshutumu Musk kwa majaribio yake ya kushawishi uchaguzi wa Ujerumani.