1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
JangaAmerika ya Kaskazini

Idadi ya waliofariki kwa moto wa nyika Marekani yafikia 24

Suleman Mwiru
13 Januari 2025

Idadi ya watu waliokufa kutokana na moto wa nyika ulioanza tangu Januari 7 huko Los Angeles Marekani imefikia 24. Mwishoni mwa juma wafanyakazi wa zimamoto walipata ahueni baada ya hali tulivu ya hewa.

https://p.dw.com/p/4p7ii
Mrekani | Los Angeles | mfanyakazi wa zimamoto
Mfanyakazi wa kikosi cha zimamto akiwa katika majukumu yake huko Los Angeles.Picha: DW

Mamlaka katika eneo hilo zimeonya kuwa moto mpya unaweza kuzuka kutokana na upepo mkali. Anthony Marrone ni Mkuu wa Idara ya zimamoto mjini Los Angeles.

"Maelfu kwa maelfu ya vitu vinavyowaka, tena mapande makubwa makubwa yanapeperushwa na upepo na hii inaweza kusambaza moto zaidi."

Soma pia:Wazima moto wapambana kuzuia moto Los Angeles katikati ya tahadhari ya upepo mkali

Huduma ya kitaifa ya hali ya hewa imetoa onyo juu ya moto mkali zaidi kuanzia kesho siku ya Jumanne na Jumatano. Kwa mujibu wa Ikulu ya Marekani ya White House ni kwamba watu 24,000 wamejiandikisha ili kupatiwa msaada kufuatia maafa hayo.

Moto huo umeteketeza makazi ya watu na kuuharibu kabisa mji wa Los Angeles uliopo katika jimbo la California na kuwaacha maelfu bila makazi.