1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
Siasa

John Mahama ameapishwa kuiongoza Ghana

Saumu Mwasimba
7 Januari 2025

John Mahama ameapishwa rasmi kuchukua hatua ya uongozi nchini Ghana katika hafla iliyohudhuriwa leo na viongozi takriban 20 kutoka barani Afrika, mjini Accra.

https://p.dw.com/p/4oukl
Ghana | Uapishwaji wa Rais mpya John Dramani Mahama
Rais mpya wa Ghana John Mahama (katikati) akiwa ameshikilia Biblia wakati akila kiapo chake cha kuapishwa kwenye Uwanja wa Uhuru mjini Accra Januari 7, 2025.Picha: NIPAH DENNIS/AFP/Getty Images

Miongoni mwa viongozi waliohudhuria ni pamoja na rais Bola Tinubu wa Nigeria,Bassirou Diomaye Faye wa Senegal, Ibrahim Traore wa Burkinafaso, William Ruto wa Kenya na Felix Tschisekedi wa Jamhuri ya Kidemokrasia ya Kongo.

Mahama alishinda kwa asilimia 56 ya kura katika uchaguzi wa rais uliofanyika Desemba 9 na kumshinda mgombea wa chama tawala na aliyekuwa makamu wa rais Mahamudu Bawumia aliyepata asilimia 41 ya kura.

Soma pia: Mahama arejea Ikulu ya Accra

John Mahama ameapishwa kumrithi rais anayeondoka Nana Akufo Addo ambaye ameiongoza Ghana kwa mihula miwili.

Jane Naana Opoku -Agyemang,nae ameapishwa kama makamu wa kwanza wa rais mwanamke nchini humo. Mahama amesema Ghana sasa imeanza kipindi cha fursa mpya za kujijijenga.

DW Kiswahili | Saumu Mwasimba
Saumu Mwasimba Mhariri na mtangazaji wa Idhaa ya Kiswahili ya DW