1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Siasa

Rais Joe Biden wa Marekani yuko ziarani nchini Angola

3 Desemba 2024

Rais wa Marekani Joe Biden yuko nchini Angola katika ziara yake ya kwanza na ya pekee kuwahi kuifanya kusini mwa Jangwa la Sahara barani Afrika tangu alipoingia madarakani.

https://p.dw.com/p/4ngTf
Joao Lourenco na Joe Biden
Rais wa Marekani Joe Biden na mwenzake wa Angola Joao LourencoPicha: Luis Tato/Andrew Caballero-Reynolds/AFP

Ziara hiyo inajikita kwenye suala la mradi mkubwa wa miundo mbinu ambao unataka kuupiku uwekezaji wa China.

Rais huyo wa Marekani anayejiandaa kuondoka madarakani mwezi Ujao, aliwasili jana usiku katika nchi hiyo yenye utajiri wa mafuta kuanza ziara hiyo ya siku mbili ambapo atakuwa na mazungumzo na mwenyeji wake rais Joao Lourenco, mjini Luanda. 

Rais Biden katika ziara ya siku mbili nchini Angola

Baadae Biden atazungumza katika makumbusho ya kitaifa ya Utumwa wakati kesho Jumatano, atasafiri kwenda bandari ya Lobito, kusini mwa Luanda.

Marekani inatarajia kukarabati barabara ya reli ya usafirishaji wa madini kutoka Jamhuri ya kidemokrasia ya Kongo na Zambia hadi bandari hiyo ya Lobito.