1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaUlaya

Ukraine yafunga mabomba ya gesi ya Urusi kwenda Ulaya

1 Januari 2025

Uamuzi wa Ukraine wa kuyafunga mabomba yanayosafirisha gesi ya Urusi kupitia ardhi yake hadi Ulaya tayari umezua matatizo katika eneo la mashariki mwa bara hilo.

https://p.dw.com/p/4oiqD
Bomba la gesi la kituo cha Boyarka nchini Ukraine
Chini ya mpango wa miaka mitano uliosainiwa 2019 Ukraine iliiruhusu Urusi kusafirisha gesi hadi Ulaya kupitia ardhi yakePicha: Imago/Zuma

Moldova imetangaza hali ya hatari na Slovakia inatishia Kyiv kulipiza kisasi dhidi ya Kyiv. Chini ya mpango wa miaka mitano uliosainiwa mwaka wa 2019 Ukraine iliiruhusu Urusi kusafirisha gesi hadi Ulaya kupitia ardhi yake.

Lakini makubaliano hayo yanamalizika Januari mosi na Kyiv haina nia ya kuyarefusha kutokana na uvamizi wa Urusi. Mataifa kadhaa ya Ulaya mashariki bado yanaitegemea Moscow kwa mahitaji yao ya nishati. Hali ni mbaya sana nchini Moldova, ambayo inapakana na Ukraine na imelazimika kukabiliana na wanaharakati wanaotaka kujitenga ambao wanaungwa mkono na Urusi.

Nayo Slovakia imetishia kusitisha usambazaji wa umeme nchini Ukraine, hasa baada ya miundo mbinu ya nishati ya Kyiv kuharibiwa vibaya na karibu miaka mitatu ya mashambulizi ya Urusi.