1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroUlaya

Urusi na Ukraine zabadilishana mamia ya wafungwa wa kivita

31 Desemba 2024

Urusi na Ukraine zimebadilishana wafungwa wa kivita katika mpango wa karibuni zaidi wa aina hiyo. Mamia ya wafungwa wameachiliwa huru kupitia mpango uliosimamiwa na Umoja wa Falme za Kiarabu.

https://p.dw.com/p/4ohNf
Wafungwa wa Urusi katika eneo la Kursk, Urusi
Urusi na Ukraine zimefanya mabadilishano kadhaa ya wafungwa wa kivita wakati wa vita vyao vya karibu miaka mitatuPicha: Ukrainian Security Service Press Office/AP/picture alliance

Rais wa Ukraine Volodymir Zelensky amesema wafungwa 189 wa Ukraine, wakiwemo maafisa wa kijeshi, walinzi wa mpaka na walinzi wa kitaifa pamoja na raia wawili, wameachiwa. Ameushukuru Umoja wa Falme za Kiarabu kwa kufanikisha mabadilishano hayo.

Wizara ya Ulinzi ya Urusi imesema askari 150 wa Urusi wameachiliwa huru kama sehemu ya ubadilishanaji huo ambao kila upande uliwaachia watu 150. Urusi na Ukraine zimefanya mabadilishano kadhaa ya aina hiyo ya wafungwa wakati wa vita vyao vya karibu miaka mitatu.

Kilichosababisha kutofautiana kwa idadi hiyo bado hakijawa wazi. Urusi imesema askari wake kwanza walipelekwa kwenye mpaka wa jirani yake Belarus, ambako walipewa msaada wa kisaikolojia na matibabu kabla ya kupelekwa Urusi.