Wachina 17 wakamatwa Kongo kwa kuendesha mgodi haramu

Hayo yameelezwa na mamlaka za nchi hiyo wakati serikali ikiendelea kukabiliana na vitendo vya uchimbaji wa madini bila vibali. Kwa sasa, wachina hao wanashikiliwa katika mji mkuu wa Jimbo la Kivu Kusini wa Bukavu.

Waziri wa fedha wa jimbo hilo na kaimu waziri wa madini Bernard Muhindo amesema watu hao walikamatwa baada ya ujumbe wa serikali kufanya ukaguzi wa kushtukiza walipotembelea eneo la mgodi katika kijiji cha Karhembo siku ya Alhamisi.

Waziri Muhindo ameongeza kuwa takriban raia 60 wa China na wengine kadhaa wakiwa ni raia wa Kongo na Burundi walikuwa mgodini hapo, lakini maafisa waliamua kuwaweka kizuizini watu 17 walioonekana kuwa wasimamizi.