1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Uhamiaji

Mali yasema raia wake wengi walipotea ajali ya Boti Morocco

Iddi Ssessanga
27 Desemba 2024

Mali imesema raia wake 25 ni miongoni mwa wasiojulikana walipo baada ya boti iliyokuwa imebeba wahamiaji kuzama nchini Morocco tarehe 19 Desemba, ambapo watu 70 wameripotiwa kupotea.

https://p.dw.com/p/4obh8
Hispania - Wahamiaji waliookolewa
Maelfu ya wahamiaji hufanya safari za hatari kuvuka bahari kwa boti duni wakitafuta maisha bora Ulaya.Picha: Bernat Armangue/AP Photo/picture alliance

Taarifa ya serikali ya Mali imesema watu 9 kati ya 11 waliookolwa kwenye boti hiyo iliyokuwa na jumla ya watu 80 ikielekea Hispania, walikuwa raia wake.

Ripoti ya shirika la uhamiaji la Hispania, Caminando Fronteras, inaonyesha kuwa zaidi ya wahamiaji 10,400 wamefariki dunia wakijaribu kufika Hispania tangu 2024, ikiwemo idadi kubwa waliokuwa wakielekea Visiwa vya Canary kupitia njia ya Atlantiki inayojulikana kuwa hatari zaidi.

Mali, ambayo imekumbwa na mgogoro wa usalama tangu 2012, inaendelea kukabiliana na changamoto zinazowasukuma vijana wake kuhatarisha maisha kwa kutafuta maisha bora barani Ulaya.