انوشکا اور ویراٹ نے نئی اننگز کا آغاز کر دیا

ویراٹ کوہلی اور انوشکا شرما کی محبت کے چرچے تو زباں زَدِ خاص وعام تھے لیکن ماضی میں دونوں سپرسٹارز کی شادی کے حوالے سے جاری قیاس آرائیاں بھی میڈیا کی سرخیوں کی زینت بنتی رہیں۔ تاہم پیر کی صبح اٹلی کے خوبصورت شہر میلان سے بھارتی کرکٹر اور فلمی اداکارہ انوشکا شرما نے اپنی شادی کی تصدیق سوشل میڈیا پر خوبصورت تصاویر کے ذریعے کی۔

انوشکا اور ویراٹ نے ٹوئٹر پیج پر شادی کا اعلان کرتے ہوئے لکھا کہ ’’آج ہم نے ایک دوسرے کو ہمیشہ کے لیے پیارکے بندھن میں جوڑ لیا ہے۔‘‘ اس پنجابی جوڑے نے اپنی زندگی کے خوبصورت ترین دن پر رشتہ داروں، دوستوں اور مداحوں کا شکریہ بھی ادا کیا۔

بھارت کے سب سے زیادہ پسند کیے جانے والے جوڑے نے قریبی رشتہ داروں کی موجودگی میں ہندو روایات کے مطابق شادی کے رسومات ادا کیں۔

 

 صحافیوں کو دیے گئے بیان کے مطابق دونوں سپرسٹارز نے اپنی شادی کی تقریب کو نجی معاملہ قرار دیا تھا۔ تاہم سپرسٹار جوڑے کی جانب سے ولیمے کی دو تقریبات کا اہتمام کیا گیا ہے۔ پہلے ولیمے کی تقریب مورخہ اکیس دسمبر کو ممبئی میں قریبی رشتہ داروں کے ہمراہ ہوگی جب کہ چھبیس دسمبر کو دوسرے ولیمے میں بالی ووڈ کے معروف اداکار اور کرکٹرز بھی شرکت کریں گے۔

انوشکا شرما کا نیا البم یورپ پہنچنے والے مہاجرین کے نام

 اس بیان کے مطابق انوشکا شرما اور ویراٹ کوہلی نئے سال کی شام جنوبی افریقا میں گزاریں گے۔

 گزشتہ سال کپتان کوہلی نے شادی کے بعد اپنی اہلیہ انوشکا شرما کے ساتھ رہائش کے لیے ممبئی شہر میں ساحلِ سمندر پر 5.3 ملین امریکی ڈالر کا اپارٹمنٹ خریدا تھا۔  یہ اپارٹمنٹ بھارتی فلم نگری کے گڑھ ممبئی کے ’ورلی‘ ضلع میں واقع ہے۔

’کرکٹر ہوں، روبوٹ نہيں۔ وقفہ چاہيے‘

بھارتی میڈیا کی جانب سے  29 سالہ جوڑے کی شادی کو "Virushka" کا نام دیا گیا تھا۔ اس موقع پر بالی ووڈ کے ستاروں کی جانب سے  بھی ’ورشکا‘ جوڑے کو ڈھیر ساری مبارکبادیں موصول ہوئیں۔

دنیا کے بہترین بلے باز سچن ٹنڈولکر نے بھی ’ورشکا‘ جوڑے کی تعریف کرتے ہوئے ٹوئٹر کے ذریعے مبارکباد کا پیغام بھیجا۔