1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaKenya

Ana cece-kuce bayan dage gasar cin kofin Afirka na CHAN

Abdoulaye Mamane Amadou MAB
January 15, 2025

Masu ruwa da tsaki a harkokin wasannin kwallon kafa sun magantu bayan da hukumar CAF ta bayyana dage gasar kwallon kafa ta CHAN bisa rashin ingancin filayen wasanni da gidajen sauke baki.

https://p.dw.com/p/4p96u
Hoto: Wu Tianyu/IMAGO

Hukumar kwallon kafa ta kasashen Afirka ta dage gasar CHAN da ake shirin gudanarwa a Kenya da Tanzaniya da Yuganda zuwa watan Agusta bisa rashin ingancin wurareen wasanni da gidajen sauke baki. Wannan matakin na zuwa ne, sa'o'i kalilan kafin CAF ta samar da jadawalin gasar ta 'yan kwallon Afirka da ke bugawa a cikin gida.

Karin bayani :Labarin wasanni: na ranar 13.01.2025

A ka'idance, cikin makonni biyu masu zuwa ne hukumar ta ayyana cewa za a soma buga gasar. Tuni ma dai mai horar da 'yan wasan Angola ya bayyana bacin ransa kan wannan mataki, yana mai cewa duk da kokarin da hukumar CAF ke yi na inganta wasannin kwallon kafa, bai dace a ce an dage gasar mai matukar muhimmanci kwanaki 15 kacal a gabanin fara ta ba.

Karin bayani : Labarin wasanni: Kammala wasan sojojin Afirka

Daga 1 zuwa 28 ga watan Fabreru ne ya kamata a gudanar da gasar CHAN a kasashen Kenya da Tanzaniya da Yuganda, wadanda su ne za su shirya gasar AFCON a 2027.