برطانیہ میں گزشتہ برس نومولود لڑکوں کا مقبول ترین نام محمد

برطانوی دارالحکومت لندن سے موصولہ رپورٹوں کے مطابق قومی شماریات کے برطانوی دفتر کی تیار کردہ سالانہ فہرست کے مطابق 2023ء میں ملک میں پیدا ہونے والے لڑکوں کا سب سے زیادہ رکھا جانے والا نام محمد رہا۔

اس سے قبل 2022ء میں یہی نام دوسرا سب سے زیادہ رکھا جانے والا نام تھا جبکہ 2016ء سے لے کر 2021ء تک یہ نام نئے پیدا ہونے والے بچوں کے 10 مقبول ترین ناموں میں سے ایک تھا۔

آبادی میں اضافے کے لیے چینی حکومت کی پالیسیاں ناکام کیوں؟

برٹش آفس آف نیشنل سٹیٹسٹکس (او این ایس) کے مطابق پچھلے برس محمد کے معروف ترین نام بن جانے کے بعد تب تک اپنی مقبولیت میں پہلے نمبر پر رہنے والا نام نوآ یا نوح دوسرے نمبر پر آ گیا جبکہ اپنی مقبولیت میں تیسرے نمبر پر رہنے والا نام بھی بدل گیا۔ یہ نام پہلے جارج تھا، جو پچھلے برس اولیور رہا۔

نومولود لڑکیوں کے مقبول ترین نام نہ بدلے

برطانوی دفتر شماریات کے مطابق گزشتہ برس ملک میں پیدا ہونے والی بچیوں کے جو نام رکھے گئے، ان کی مقبولیت میں 2022ء کے مقابلے میں کوئی تبدیلی نہ آئی۔

ان تین معروف ترین ناموں میں سے پچھلے برس بھی اولیویا پہلے، ایمیلیا دوسرے اور اِسلا تیسرے نمبر پر رہے۔

جنوبی کوریا میں آبادی میں اضافے کے لیے علی‍‍حدہ وزارت قائم

او این ایس کی سالانہ فہرست میں یہ بھی کہا گیا ہے کہ عام شہریوں میں اپنے نومولود بچوں کے نام ملکی اور بین الاقوامی سطح پر مشہور شخصیات کے ناموں پر رکھنے کا رجحان بھی کچھ زیادہ ہو گیا ہے۔

جرمنی میں شرح پیدائش ایک دہائی کی نچلی ترین سطح پر

روس میں بچوں کے بغیر زندگی کی ترویج و تشہیر اب قابل سزا جرم

اس فہرست کے مطابق نومولود لڑکوں کے ناموں میں ایسے نام جو برطانیہ کے شاہی خاندان کے مرد ارکان کے نام بھی ہیں، مقابلتاﹰ کم مقبول ہوتے جا رہے ہیں۔

بھارت: کم از کم تین بچے پیدا کریں، آر ایس ایس سربراہ کی اپیل

قومی دفتر شماریات نے اس رجحان میں کمی کی مثال دیتے ہوئے خاص طور پر برطانوی شاہی خاندان کے ارکان کے جو تین نام گنوائے، وہ چارلس، جارج اور ہیری تھے۔

م م / ع ا (روئٹرز)